काठमाडौं/अमेरिकी राष्ट्रपतिका रूपमा निर्वाचित डोनाल्ड ट्रम्पले आफू ह्वाइट हाउस छिरेकै दिन अमेरिकालाई प्रशान्त महासागरीय साझेदारी व्यापारिक सम्झौता (टीपीपी)बाट अलग गराउने घोषणा गरेका छन् ।
एउटा भिडियो सन्देशमार्फत यो घोषणा गर्दै उनले जनवरीमा राष्ट्रपतित्व ग्रहण गर्नेबित्तिकै पहिला के गर्ने बताएका हुन् ।टीपीपी व्यापारिक सम्झौतालाई १२ देशले हस्ताक्षर गरेका छन् जसले संसारको ४० प्रतिशत अर्थतन्त्रलाई समेट्छ । कोइला उत्पादनमा लगाइएको सीमा घटाउने अनि प्रवेशाज्ञाको दुरुपयोग रोक्ने पनि वाचा गरेका छन् ।
स्वास्थ्य बीमासम्बन्धी ओबामाकेयरलाई खारेज गर्ने वा मेक्सिकोको सिमानामा पर्खाल लगाउने विषयमा भने उनले केही बताएनन् ।
जापान, मलेसिया, अस्ट्रेलिया, न्युजिल्यान्ड, क्यानाडा र मेक्सिकोले व्यापार सम्झौतामा हस्ताक्ष्र गरेका छन् तर यसको पक्षराष्ट्र भइसकेका छैनन् ।
यसको लक्ष्य त आर्थिक सम्बन्धलाई गहिरो बनाउनु थियो तर यसका विपक्षीहरू यो सम्झौता गोप्य रूपमा गरिएको र ठूला कर्पोरेसनहरूको पक्षमा रहेको बताउँछन् ।
यो सम्झौता लागू भएपछि हस्ताक्षरकर्ता देशहरूले आफ्ना सामान अमेरिकामा निर्बाध बेच्न पाउने छैनन् । अमेरिकाले सम्झौताबाट हात झिकेपछि चीनले शून्यता भर्ने कोशिश गर्ने आँकलन गरिएको छ ।
बीबीसी
