धरान/धरानको भानुचौकमा शनिबार भएको दुर्घटनामा घाइते भएकी महिलाको पहिचान खुलेको छ । घाइते हुने धरान–१८ मा अस्थायी रुपमा बस्दै आएकी ४३ वर्षीया विवाह परियार रहेको प्रहरीले जनाएको छ । उनी भानुचौकमा बाटो काट्ने क्रममा धरान काकडभिट्टा चल्ने को १ ख १९२४ नम्बरको यात्रुबाहक बसले ठक्कर दिएको थियो । ठक्करबाट उनको तल्लो पेटलगायतमा गम्भीर चोट लागेको थियो । हाल धरानस्थित बीपी कोइराला स्वास्थ्य विज्ञान प्रतिष्ठानमा उचापर भइरहेको छ । मानसिक रुपमा केही विक्षिप्त ती महिलाको स्थायी ठेगाना भने खुल्न सकेको छैन् । बसका चालक र बसलाई नै प्रहरीले नियन्त्रणमा लिएको छ ।