इटहरी / प्रदेश नं १ का सभामुख प्रदीप भण्डारीले भ्रष्टाचारले अर्थतन्त्रलाई धराशायी बनाउने बताएका छन । अख्तियार दुरुपयोग अनुसन्धान आयोगको २९औँ स्थापना दिवसका अवसरमा आज आयोगको कार्यालय इटहरीद्वारा आयोजित कार्यक्रममा उनले भने,  “भ्रष्टाचार न्यूनीकरण र सुशासनको प्रत्याभूति दिलाउने कार्यमा अख्तियारले प्रभावकारी भूमिका निर्वाह गरोस् ।”
सभामुख भण्डारीले मुलुकलाई विकास र समृद्धिको बाटोमा अघि बढाउन भ्रष्टाचार विरुद्धको लडाइँमा सम्बन्धीत सबै पक्ष एकजुट भएर लाग्नुपर्ने उल्लेख गर्दै बढ्दो भ्रष्टाचारजन्य क्रियाकलापका कारण मुलुकमा सुशासनको अनुभूति गराउन चुनौती देखिएको बताए । आयोगको कार्यालय इटहरीका प्रमुख चक्रबहादुर बुढाले देशभर अख्तियारले अदालतमा दर्ता गरेका ३५१ मुद्दामा चार अर्ब रकम बिगो माग गरिएको जानकारी दिए ।