यासोक पाँचथर / पाँचथरको फिदिम नगरपालिका र फाल्गुनन्द गाउँपालिकाको लुम्फाबुङ र नवमीडाँडाका बिपन्न श्रमिक परिवारलार्य स्वामी नारायण निर्माण सेवा प्रालिले १६ घरधुरीलाई राहत बितरण गरेको छ ।
लुम्फाबुङ नवमीडाडाँ लिफ्टिङ खानेपानी योजना उपभोक्ता समितिको समन्वयमा प्रालिका संचालक सन्तोष बस्नेतले प्रति घरधुरीलाई २० केजी चामल वितरण गरिएको हो । वडामा रहेका अति विपन्न नागरिकलाई लकडाउनको समयमा राहत पुग्ने हिसावमा खाद्यन्य वितरण गरिएको बस्नेतको भनाइ छ ।
निर्माण कम्पनीले सोही स्थानमा लिफ्टिङ प्रविधिको खानेपानी योजनाको काम गर्दै आएको छ । यस अघि कुम्मायक गाउँपालिकाको सुख्खाक्षेत्र यासोक, रानीगाउँ र स्यावरुम्बामा बृहत तमोर लिफ्ट खानेपानी योजनाको काम सम्पन्न गरेको थियो । प्रालिले पाँचथर जिल्लाको खेलकुद, शिक्षा, स्वास्थ्य सुधारको लागि ८ लाख बढि रकम सहयोग गरिसकेको छ ।
