धरान । कोरोनाभाइरसको महामारीका कारण विश्वभर लकडाउन जारी छ । लकडाउनका कारण घरमै दिनभरि बस्दा मानिसहरू मानसिकलगायत विभिन्न खाल्का तनावबाट गुज्रिने भएकाले योग शिक्षकहरूले योग गर्न सुझाव दिएका छन् ।
योगले नै कोरोनाको डर तथा चिन्तालाई भगाउन सक्ने बताएका छन् । कोरोनाको लकडाउनको बेला दैनिक बिहान आधा घण्टा मात्रै योग गरेमा मानसिक चिन्ता मात्रै नभई शरीरमा पनि स्फूर्ति बढाउने योग गुरुहरूले जनाएका छन् । बाबा रामदेवले पनि कोरोनाभाइरस फैलिदै गएलगत्तै सबैलाई योग गरेर मानिसक चिन्ता दूर गर्नका लागि आग्रह गरेका थिए ।
उनले कपालभाति, अनुनोमविलोमजस्ता योग गरे मात्रै पनि दिनभर शरीरमा स्फूर्ति रहने बताएका थिए । उनले ५ प्रकारका योग गर्नका लागि यसबेला सुझाव दिने गरेका छन् । त्यसो त अन्य योग गुरुहरूले पनि यो बेलामा योग गर्नका लागि सुझाव दिइरहेका छन् । त्यस्तै चिकित्सकहरूले पनि मानसिक तनाव वा चिन्ता हटाउनका लागि कुनै न कुनै शारीरि व्यायाम गर्नका लागि सुझाव दिने गरेका छन् । लकडाउनको बेलामा दैनिक शारीरिक व्यायामका लागि बाहिर जान असहज हुने भएकाले पनि घरमै बसेर योग गर्न सकिने भएकाले योगका लागि सुझाव दिएका हुन् ।
यो बेला प्राणायाम पनि उत्तम योग हुन सक्ने सुझाव दिएका छन् । कतिपय बलिउड, कलिउड तथा हलिउड सेलिब्रेटीहरूले योग गरेर शरीरमा स्फूर्ति ल्याइरहेका छन् । कतिपयले सुझाव समेत दिने गरेका छन् । कलिउडकी चर्चित अभिनेत्री प्रियंका कार्कीले पनि योग गर्नका लागि इन्स्टाग्राममा सुझाव दिएकी छन् । त्यस्तै बलिउडका थुप्रै कलाकारहरू यो बेलामा योगमा नै बढी मस्त रहेका छन् । त्यसमध्येमा दैनिक योगमा रमाउने सेलिब्रेटीमध्ये शिल्पा शेट्टी, सर्लिन चोपडालगायतका कलाकारहरू पर्छन् । उनीहरू दैनिक योग गरेको तस्बिर पनि सामाजिक सञ्जालहरूमा सेयर गर्ने गरेका छन् ।
योग गुरुहरूको त कुरै छाडौं । सबैजसो योग गुरुहरू दैनिक एक घण्टाभन्दा बढी समय योगका लागि दिने गरेका छन् । पतञ्जली जस्ता संस्थाहरू मात्रै हैन, आर्ट अफ लिभिङजस्ता संस्थाले पनि योगका बारेमा नै जानकारी दिने गरेको छ । नेपालमा पनि पतञ्जली, आर्ट अफ लिभिङका योग गुरुहरूले यही सुझाव दिने गरेका छन् । योगसँगै दैनिक ३ लिटर पानीसमेत पिउनका लागि आग्रह गर्ने गरेका छन् ।
काेराेना भाइरसकाे सुझावः भिडियाे
