धरान / इटहरी उपमहानगरपालिकाले लकडाउनकै अविधमा दुईजना जनप्रतिनिधि गुमाएको छ । वडा नम्वर १ का वडाध्यक्ष बिष्णु चौधरीको गएराती ५५ बर्षको उमेरमा निधन भएको छ ।
उनी लामो सयमदेखि उपचाररत थिए । गएराती स्वास्थ्यमा थप जटिलता देखिएपछि नोवेल मेडिकल कलेज विराटनगर पुरयाउदा चिकित्सकले मृत घोषित गरेका हुन । उनको आज वुढिगंगा जमुना मुक्ति घाट इटहरीमा अन्तिम संस्कार गरिएको छ । यसअघि वडा नम्वर १० कि दलित महिला सदस्य दुलारी ऋषिदेवको गत चैत २१ निधन भएको हो ।
यसैबिच इटहरी उपमहानगर नगर कार्यपालिकाको आकस्मिक वैठकले उहाँहरुको असामयिक निधनले उपमहानगर मर्माहत र स्तब्ध भएको जनाउदै शोक प्रस्ताव पारित गरेको छ । उनीहरुको निधनले उपमहानगरलाई अपूरणीय क्षति भएको भन्दैं शोक वक्तब्य प्रकाशसन गरेको छ । उपमहानगरले वडाध्यक्ष चौधरी र वडा सदस्य ऋषिदेवप्रति श्रद्धाञ्जली जनाउदै आज १ दिन उपमहानगरमा राष्ट्रिय झण्डा आधा झुकाएर विदा दिइएको उपमहानगरकी उपमेयर लक्ष्मी गौतमले जानकारी दिइन ।
