धरान / धरान–१५ का लक्ष्मण थापा धारामा १५ दिन देखि पानी टोलमा नआएका कारण यहाँका स्थानीयले लकडाउन पालना गर्न नसकीरहेको बताउछन् । धरान–३ स्थित पुरानो बजार सब्जि बजार नजिक विहानै ठूलो भीडभाड हुन्छ । त्यहाँ रहेको सार्वजनिक धारामा पानी थाप्न जम्मा हुने भीडले लकडाउन पालन गर्न सकेको छैन् । यति बेला धरानका टोल टोलमा खानेपानीको अभावले लकडाउन उलंघन भइरहेको छ ।
सयपत्री टोल, मदन आश्रित टोल आडा लाइनमा पानी नआए पछि केही दिन अघि आडा लाइनमा भएको धरान उपमहानगरपालिकाकी उपमेयर मञ्जु भण्डारी घर घेराउन गर्न स्थानीय पुगेका थिए । उनले खानेपानी व्यवस्थापन बोर्डलाई तत्काल भनि दिए पनि समस्या समाधान भने भएको छैन् ।
‘यहाँ कोरोनाको चिन्ता भन्दा पनि खानेपानीको चिन्ता बढि छ । सावुन पानीले हात पटक पटक धुनलाई सरकारले उर्दी जारी गर्छ तर हामीलाई पिउने पानी छैन् ।’–स्थानीय विष्णु कोइरालाले भने ।–मेयर उपमेयर र व्यवस्थापकलाई दिएका छौं तीन दिनमा आउछ भनेका छन् हेरौं ।’
चैत लागेसँगै धरानमा खानेपानीको अभाव बढेर गएको छ । धरानका १५, ८, ९, १० लगायतका वडाहरुमा खानेपानीको अभावले स्थानीय सास्ती भोग्दैं आएका छन् ।
पानी अभाव भए पछि सार्वजनिक धारामा कतिखेर पानी आउछ भनेर स्थानीयको भीड लाग्ने गरेको छ । उनीहरुलाई पानीको पीरले कोरोनाको चिन्ता लाग्नै छाडेको छ । आफ्नो रित्तो भाडो लिएर घण्टौ पर्खिन्छन् । कुनै दिन पानी आउछ कुनै दिन रित्तो भाडा लिएर स्थानीय फर्कछन् ।
धरानमा खानेपानी संस्थाले खानेपानी व्यवस्थापन गदैं आएको थियो । पानीको अभाव भए पछि एडिविको सहयोगमा धरान उपमहानगरपालिकाले खानेपानी परियोजना संचालन गरेर खानेपानी व्यवस्थापन गरे पछि संस्थान र परियोजना विचको पानीको ट्याङ्कीमा इन्टर कनेक्सन नभइसक्दा धरानवासीलाई प्रयाप्त पानी पु¥याउन नसकेको खानेपानी परियोजनाका व्यवस्थापक राजु पोखरेल बताउछन् । ‘पाइपको इन्टर कनेक्सन, कतिपय स्थानमा ब्लक भएका कारण पानी उपभोक्ताको घर घरमा नपुगेको हामीले पाएका छौं काम भइरहेको छ । एक साताभित्र समस्या समाधान हुने गरि काम गरिरहेका छौं ।’–आयोजना व्यवस्थापक पोखरेलले भने ।
आयोजना प्रमुख इन्जीनियर राजु पोखरेलका अनुसार नेपाल खानेपानी संस्थान धरान शाखाको सम्पती र दायित्व हस्तान्तरण गरी संस्थान मातहत रहेका संरचना र सेवा र थप गरिएका संरचना र सेवाको एकिकरण गरी उपभोक्तालाई खानेपानी आपुर्ती गर्ने भनेर गत भदौंमा पत्रकार सम्मेलन गरि ९९ प्रतिशत पयिोजना सम्पन्न भएको दावी गरेका थिए । गत २०७५ असोजमा मन्त्री परिषद बैठकले संस्थानको सम्पति मूल्याङकन गरि आयोजनाको बोडृमा हस्तान्तर।ण गर्न निर्णय भई सर्वोच्च अदालतले गत असारमा परामदेश जारी गरे पनि संस्थाले परियोजनाको बोर्डमा हस्तान्तरण गर्न आलटाल गदैं पानीको कनेक्सनसमेत नदिदा पानी वितरणमा समस्या भएको पत्रकार सम्मेलनमा जानकारी गराइएको थियो ।
संस्थानको ३ वटा पम्पबाट दैनिक ६० लाख, आयोजनाको ७ वटा वेलबाट ९२ लाख २० हजार लिटर गरेर दैनिक एक करोड ५२ लाख २० हजार लिटर पानी आपूर्ति गर्न सकिने आयोजना प्रमुख पोखरेलले जानकारी दिए । तर उनले भने जस्तो धरानमा खानेपानी वितरण हुन सकेको छैन् । धरानमा हाल दैनिक दुई करोड लिटर भन्दा बढिको पानीको माग छ ।
पानी अभावको गुनासो बढे पछि एक सातादेखि धरान उपमहानगरपालिकाले ट्याङ्कीमा पानी ल्याएर अभाव भएको क्षेत्रमा वितरण गरिरहेको छ । लकडाउनको समयमा स्थानीयलाई पानीको समस्या परे पछि तत्काल अभाव टार्न ट्याङ्कीबाट वितरण गरिएको हो । धराने जनताका लागि यति बेला राहत वितरण भन्दा पनि पानीको अत्यावश्यक भएकाले तत्काल पानी व्यवस्थापनमा उपमहानगरले ध्यान पु¥याउनु पर्ने धरान–१४ का प्रेमप्रसाद पराजुलीले बताए । एडिवीले हालसम्म किन धराने जनतालाई पानी खुवाउन सकेको छैन् यसको खोजी गरिनु पर्ने उनको भनाई छ ।
एक अर्ब ४८ करोड लागतमा नेपाल सरकारले ५० प्रतिशत अनुदान, नगरविकास कोषले ३५ प्रतिशत ऋण र १५ प्रतिशत उपमहानगरपालिकाको बजेटमा परियोजना सन् २०१३ देखि संचालन गरि सन् २०१७ सम्म अन्तिम म्याद थियो ।
. तस्विरः सुजेन्द्र तामाङकाे फेसबुकबाट
