ब्लाष्टखबर । लकडानको उल्लङ्घन गरेको भन्दै धरान ६ पानबारीमा धरान २० विष्णुपादुकाका स्वास्थ्य चौकीमा हेल्थ असिस्टेन्टले कुटाइ खाएपछि उपमहानगरमा भेला भएका स्वास्थकर्मीहरूले सहज रुपमा काम गर्ने वातावरण बनाउन माग गरेका छन् । । आवत जावतमा समस्या भएको, प्रहरीबाट दुर्व्रवहार हुनथालेको भन्दै सुरक्षाको माग लिएर उपमहानगर पुगेका स्वास्थकर्मीहरूलाई मेयर तिलक राईले कार्ड लगाएर काम गर्ने वातावरण बनाउने भने पछि काममा फर्केका छन् ।
राईले घटनाको विषायमा स्वास्थकर्मी, धरानका डिएसपी, पीडित स्वास्थ्यकर्मी, स्वास्थ्य महाशाखा प्रमुखसहित छलफल गर्ने भनेपछि उनिहरू काममा फर्केका हुन् । यता धरानका डिएसपीले भने परिचय कार्डलगाएर हिडेका स्वास्थकर्मी, खाद्यान्नकाका गाडीहरू, पत्रकारलगायत पास लिएर हिडेका सबैलाइ निर्वाद हिड्न दिइएको बताएका छन् । उनले भने 'हामीले पास बोकेका सबैलाई हिड्न दिएका छौ । स्वास्थ्यकर्मी निर्वाद रूपमा हिडिरहनु भएको छ । '
उनले घटनाबारे जानकारी लिएइ रहेको बताउदै प्रहरीले नियतबस लाठी प्रहार नगर्ने गरेकाे बताए । उनले भने 'मैल घटनाबारे बुझ्दाँ विष्णुपादुकाका स्वास्थ्य चौकीमा हेल्थ असिस्टेन्ट पानबारामा दुध लिन पुग्नु भएको पाइयो । परिचयपत्र पनि नदेखाएको पाइयो ।'
धरान ६ का वडाध्यक्ष भुवनसिंह बस्नेतले यस विषयमा परिचय पत्रको दुरूपयोग गरेकाे आराेप लगाए । आफूलाई समेत ढाटेको भन्दै कडा कारवाही गरिनु पर्ने बताए ।
उनले थपे -'धरान कृषीबजार बन्द गरिएको छ । हामीले पनि यहाँबाट दुध लान बन्द गरेका छौं । यसरी नै कार्ड लिएर सबै दुध, तरकारी लिन हिड्ने हो भने लकडाउको के अर्थ हुन्छ ।' -अध्यक्ष बस्नेतले घटनाको बारेमा जानकारी गराउदै भने- 'यहाँ सहकारीमा मल लिन आउने र बाटामा हिड्नेको भिड बढे पछि प्रहरीले भिडहटाएको थियो वहाँ पनि त्यही नजिकै भएकोले वहाँलाई लागेको हो । घटना पछि स्वास्थकर्मी भन्ने थाहा भएपछि हामीले नै मेटरसाइकल दिएर पठाएकाे हाे । मलाई पनि पिलोको अप्रेसन भएकोलाई ड्रेसिङ् गर्न आएको भनेका थिए । हैन रहेछ ।' उनी विहान ६ बजे नै पानवारी पुगेकाे बताइएकाे छ ।
उनले पानबारLमा स्वास्थ संस्थाहरू खुल्ला रहेको बताउदै स्वास्थकर्मीले आफ्नो पोसाक लगाउनु पर्ने, परिचयपत्र बोक्नु पर्ने र बाहिर उपचारका लागी जादाँ स्वास्थ्य सामाग्री बोक्नुपर्नेमा उनले त्यसो नगरेको बस्नेतको भनाइ छ । उनले पानबारी स्थित नेत्र भण्डारीकाेबाट दुध लागे गरेकाे बताए ।
यता स्वास्थ्यकर्मी खनालले भने नेत्रका बुबा वेदप्रसाद भण्डारीकाे उपचारका लागि गएकाे र प्रहरीले साेधखाेज नै नगरि पाइपले हिर्काएकाे बताएका छन् ।
स्वास्थ्यकर्मी कुट्ने प्रहरीलाई कारवाहीको माग
यता स्वास्थ्यकर्मीलाई प्रहरीले सोधखोज नै नगरि कुटपिट गरिएको भन्दैं हेल्थ असिष्टेन्ट नेपाल सुनसरीले विज्ञप्ति जारी गरि घट्नाको भत्सर्ना गरेको छ । परिचलय पत्र बोकेर हिडेका स्वास्थ्यकर्मीहरुलाई कुटपिट गर्ने प्रहरीलाई तत्काल कारवाही गर्न विज्ञप्तिमा माग गरिएको छ । रामकुमार धमलाद्वारा जारी गरिएको विज्ञप्तिमा स्वास्थ्यकर्मीहरुलाई सहजरुपमा आवतजावतको व्यवस्था मिलाउनसमेत सरकारसँग माग गरेका छन् ।
