इटहरी । सुनसरीको रामधुनी नगरपालिका वडा नम्बर २ का प्रहरी हवल्दार शिवप्रसाद भट्टराईको मृत्यु भएको छ । सोलुको अस्थायी प्रहरीचौकी दोर्पुका इञ्चार्ज शिवप्रसाद भट्टराईको मृत्यु भएको सोलुखुम्बु प्रहरीका प्रहरी प्रवक्ता महेन्द्र दर्नालले जानकारी दिएका छन् ।
एक्कासी पेट दुखेको बताए पछि उनलाई जिल्ला अस्पताल फाप्लु उपचारका लागि लादै गर्दा मृत्यु भएको उनले जनाए । ३८ वर्षीय भट्टराईका श्रीमती तथा दुई छोरा र एक छोरी छन् ।
