ब्लाष्टखबर । कोरोनाभाइरसका कारण विश्वभर २ लाख ४८ हजार ४५२ जनाकाे मृत्यु भएकाे छ । साेमबार मध्याह्नसम्ममा विश्वभर ३५ लाख ८० हजार १९६ जनामा काेराेना संक्रमण पुष्टिभएकाे छ, भने ११ लाख ५९ हजार २११ जना संक्रमित निकाे भएर घर फर्केका छन् । यस संगै १४ लाख ७ हजार ६६३ काेराेनाकाे केसहरू बन्द भएका छन् । २१ लाख ७२ हजार ५ ३३ संक्रमितहरूकाे उपचार भइरहेकाे छ । जसमा ५० हजार ५१ जनाकाे अवस्था गम्भीर रहेकाे विश्व भरीकाे काेराेना संक्रमणकाे तंथ्याङ्क सार्वजनिक गर्दै अाएकाे वल्डमिटरले जनाएकाे छ ।
कोरोनाभाइरसबाट सर्वाधिक दैनिक मृत्युदर रहेका इटाली, स्पेन, फ्रान्स र बेलायतमा २४ घण्टाको अवधिमा मृत्युदरमा सामान्य गिरावट आएको छ । विगत २४ घण्टामा इटालीमा १७४, स्पेनमा १६४, फ्रान्समा १३५ र बेलायतमा ३१५ जनाको ज्यान गएको छ ।
संयुक्तराज्य अमेरिकामा पनि मृत्युदरमा कमी आएर १ हजार १५४ जनाको मृत्यु भएको छ । अघिल्लो यहाँ १ हजार ६९१ जनाको मृत्यु भएको थियो । भारतमा हाल सम्म ४२ हजार ६७० काेराेना संक्रमित फेलापरेका छन् । काेराेना संक्रमणका कारण भारतमा १ हजार ३ ९५ जनाले ज्यान गुमाइसकेका छन्, भने ११ हजार ७८२ जना संक्रमित निकाे भएका छन् । भारतमा हिजाे मात्र ६८ जनाकाे ज्यान गएकाे थियाे भने करीब ३ हजार संक्रमित देखा परेका थिए ।
