शनिश्चरे / लगातारको बर्षाका कारण डाँस खोलामा उर्लिएको बाढीले पूर्व पश्चिम राजमार्ग अन्तर्गत मोरङको पथरीशनिश्चरे ८ जिरिखिम्तीमा पर्ने डाँस खोलाको पुल संकटमा पार्दा समेत सडक विभागले चासो देखाएको छैन ।
बाढीले लगातार ३ दिनदेखि डाँसखोलाको पुलको पूर्वी भागमा कटान गरी त्यहाँको सुरक्षाका लागि लगाईएको तारजाली र ढुंगा बगाएर पुलको फेदको भाग समेत कटान गरेको छ । पुलको पूर्वी किनारमा रहेको पशुपतिनगर टोलका २ घर विस्थापित भएका छन् । सो टोलका १ सय घर संकटमा छन् ।
बाढी पुलको फेदमा ठोक्किएर पश्चिमको जिरिखिम्तीतिर मोडिदाँ बस्ती समेत उसैगरी संकटमा परेको छ । कटान हुँदै गएर दिपेन्द्र दहाल सहितको २ दर्जन घर समेत संकटमा पारेको छ । पुल र वस्ती जोगाउनका लागि नगरक्षेत्रका अगुवाहरुले सम्बन्धित निकायसँग हारगुहार मागिरहेका छन् । आफुहरुले जिल्ला दैविप्रकोप समिति, सडक डिभिजन कार्यालयमा समेत जानकारी गराएको नगरका समाजसेवी किशोर राईले जनाए । उनले पुल
ज्या
दै जोखिममा परेको अवस्थामा पुल जोगाएर वस्तीलाई समेत संरक्षित गर्न सडक विभागले उत्तर र दक्षिणको केही भागमा तारजाली सहितको व्यवस्थित तटबन्ध गर्नु आवश्यक रहेको औंल्याएका छन् ।
